KazMediaNetwork - 2021 жылы Қазақстан Республикасы Әділет министрлігінде тіркелген жаңа қоғамдық бірлестік. Ұйым құрылтайшыларының қатарында университет оқытушылары, журналистер, коммуникация саласының мамандары, танымал медиалардың редакторлары бар.

Біздің міндет – қазақстандық журналистиканың алдында тұрған өзекті проблемалар мен міндеттерді талқылауға арналған бірыңғай алаң құру, этикалық нормаларды 2012 жылы қабылданған Журналистер кодексінің негізінде, бірақ интернет пен әлеуметтік желілер бар жаңа заман талабына сай құрастырылған медианың негізгі принциптері арқылы көпшілік арасына кеңінен тарату.

Мақсаттар

2021 жылы біз "Қазақстандық Медиа Желі/Kazakhstan Media Network" қоғамдық бірлестігінің жұмысын 3 бағытта жоспарладық:

1. Қазақстандағы медианың өзін-өзі реттеу жөніндегі Қоғамдық комитетін құру. Комитет қызметі медианың кәсіби біліктілігін арттыруға көмектеседі, ол өз кезегінде аудиторияның журналистикаға деген сенімін ұлғайтады. Бұдан бөлек, медиа саласында (сотқа дейінгі қарау) медианың негізгі принциптерін бұзу бойынша шағымдарды қарау журналистер мен редакциялар үшін соттасу істерін азайтады және болдырмайды;

2. Медианың негізгі принциптерінің негізінде Қазақстандағы университеттердің журналистика кафедралары мен факультеттерінің студенттері үшін бірыңғай оқу-әдістемелік бағдарламасын әзірлеу;

3. Этикалық нормалар мен стандарттарды, медианың негізгі принциптерін журналистер, редакторлар, медиа саласының басқа да қызметкерлері мен журналистиканы мамандық ретінде таңдаған студенттермен онлайн және оффлайн жаттығулар, кездесулер және тренингтер арқылы насихаттау.